Our Solar System
1. မာကျူရီ (Mercury)
မာကျူရီ (Mercury) လို့ ပြောလိုက်တာနဲ့ နေနဲ့ အနီးဆုံး ဂြိုဟ်၊ နေအဖွဲ့အစည်းထဲမှာ အသေးဆုံးဂြိုဟ် ဆိုပီး တန်းသိကြမှာပါ။သူ့ရဲ့ အရွယ်အစားကတော့ ၂၄၉၃ ကီလိုမီတာ အကျယ်အဝန်းပဲရှိပါတယ်။ဂျူပီတဲ့ရဲ့အကြီးဆုံး လ ဖြစ်တဲ့ Ganymede ထက်တောင်သေးငယ်ပါတယ်။ မာကျူရီဟာ နေအဖွဲ့အစည်းအတွင်းမှာ ဒုတိယ သိပ်သည်းမှု့ အများဆုံးဂြိုဟ် ဖြစ်ပါတယ်။
ကျောက်သား ၃၀% ၊ သတ္ထု ၇၀ % နဲ့ ဖွဲ့စည်းထားတဲ့ ဂြိုဟ်တစ်ခုဖြစ်ပီး သူ့မှာ အလွန်ကိုမှ ပါးလွှာတဲ့ လေထုရှိပါတယ်။ကမ္ဘာမြေထက် သုံးဆခန့် နည်းပါးတဲ့ ဆွဲငင်မှု့အားကို ပိုင်ဆိုင်ထားတဲ့ မာကျူရီဟာ လေထုကိုကောင်းကောင်းထိန်းထားနိုင်စွမ်းမရှိပါဘူး။ ပါးလွှာလွန်းလှတဲ့ လေထုဟာ အပူချိန်ကို ထိန်းသိမ်းထားနိုင်စွမ်း မရှိတဲ့အတွက် နေအလင်းရောင်ရရှိတဲ့ ဘက်အခြမ်းနဲ့ မရရှိတဲ့ဘက်အခြမ်း နှစ်ခုရဲ့ အပူချိန်ဟာ အလွန်ကွာဟပါတယ်။ နေရောင်ရရှိတဲ့ဘက် အခြမ်းမှာ 173° C ကနေ 400° C ထိရှိပီး နေရောင်မရရှိတဲ့ ဘက်အခြမ်းကတော့ အနှုတ် 163° C လောက်ထိရှိပါတယ်။ နေနဲ့အရမ်းနီးလွန်းတဲ့ အတွက် ရေနဲ့သက်ရှိတွေ မဖြစ်ပေါ်နိုင်ပါဘူး။ ဒါပေမယ့် NASA ရဲ့ သိပ္ပံပညာရှင်တွေကတော့ မာကျူရီရဲ့ မြောက်ဝင်ရိုးစွန်း မှာရေခဲတွေရှိတယ်ဆိုပီး အတည်ပြုခဲ့ပါတယ်။ မာကျူရီဟာ ကမ္ဘာမြေရဲ့ သံလိုက်စက်ကွင်းထက် ၁ % လောက်ပဲ ပြင်းအားရှိတဲ့ သံလိုကစက်ကွင်းကိုပိုင်ဆိုင်ထားပါတယ်။ ဒါပေမယ့် သူရဲ့ သံလိုက်စက်ကွင်းဟာ နေမှလာတဲ့အပူလှိုင်း( Solar Wind )တွေကို တားဆီးနိုင်လောက်အော်အားကောင်းပါတယ်။ မာကျူရီဟာနေမှ ကီလိုမီတာ ၄၆ သန်း(အနီးဆုံး ပတ်လမ်းအကွာအဝေး)မှ ကီလိုမီတာ ၇၀ သန်း(အဝေးဆုံး ပတ်လမ်းအကွာအဝေး) အတွင်း လည်ပတ်နေပါတယ်။
Comments
Post a Comment